يكتبها : أبو دحيّم :
والله يالربع راح إحترام رجل الأمن عندنا وكل يوم سالفة وفاجعة ، الحين شلة التفحيط والشكشكة ماتدرى إن عندنا أمن ورجال أمن يعملون تحت مظلة وزارة الداخلية والا عاجبهم الوضع المؤسف اللى وصلنا له ، وانا حاط يدي على قلبي مستنكر مستغرب ومتعجب وأنا اشوف لقطة اليوتيوب لشباب يلاحقون سيارة دورية أمنية أظن أنها بالرياض والرياض العاصمة ، ويقومون يرمون السيارة بالحجارة ورجل الأمن حاط رجله ياعيني أجل وين هيبة رجال الأمن ؟ وين الإحترام لرجل الأمن تدرون الله يسقى زمان أول كنا لما نشوف رجل الأمن رجولنا تتراعد خوف أما الحين صار رجل الأمن أى كلام والشرهة على اللى من حطهم في الميدان ياناس ياوزارة الداخلية مثل هؤلاء المراهقين طيقوا عليهم أشد العقوبات ضرب لا وسجن بعد وان وصل الأمر الى القصاص هي البلاد سايبة مثل هؤلاء اللى يروعون الآمنين في شوارع البلد بلا حسيب ولا رقيب ولاحسم ولا عقاب والدليل شوف الصور أه وياعينى وسامحونا وعوافي ، وصب القهوة يابو عبدالله واللقاء الأحد الجاي انتظرونا
 | |||
| ياسلام على الإحترام رجل الأمن وشلة المراهقين حكاية كل يوم ! |
إرسال تعليق
جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم