يكتبها : ابو دحيم :
هلا بكم ياجماعة تغيبت عنكم اسبوعين ماعليه سامحوني سافرت المغرب في رحلة إستجمامية بس تدرون ليش من هول هالأخبار ياناه ، اليوم وش أكتب وش أقول يوم قرأت خبر الجزارة الخادمة الأندونيسية اللى نحرت عنق الطفلة تالا الشهري شاب شعر رأسي ايه الموقف مفجع وش هالجريمة يالربع ، يعني خلاص ماعاد نثق في العمالة الآسيوية واللى تسرح وتمرح في بيوتنا مو بكرة النهار يمكن تجى خدامة وتنحرنى والا تنحرك والا تتسبب في أذية لنا ولأطفالنا، لا والدولة بلا رقيب ولاحسيب تجاه مايحدث داخل بيوت السعوديين ، ثم تجي دولة أندونيسيا تفرض شروطها علينا طيب ماتشوف جرائم عمالتها عندنا في السعودية ذبح وقتل وسحر وشعوذه ، الشرهة ماهو على الأسر الا الشرهة على الجهة المعنية المؤقرة اللى تتميلح قدام الناس حنا سوينا وحنا فعلنا ، ايه معك حق يامفرح يوم انهيت عقد خادمتك وسافرت أحسن يابو علي ترتاح من الهم والقلق ،ماقول الا رحم الله تالا والهم ذويها الصبر والسلوان وبس لا يابو عبدالله خاطري ماهو سالي لاتصب القهوة مع السلامه
إرسال تعليق
جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم