عاجل▐ متابعينا كل عام وانتم بخير #عيدكم_مبارك من #زوايا_الإخبارية نتوقف عن التحديث على كافة مواقعنا بزوايا للصيانة الدورية وقد تستمر لساعات

0

حسين الخضيري - مكة المكرمة

تتواجد في دار الزهور لرعاية الايتام بمكة التابع لجمعية ام القرى الخيرية النسائية قرابة ١٥ فتاة بدون المراقبات او الموظفات، ولكن باب الدار  "مكسور" والفتيات قمن  بشراء سلسلة وقفل ووضعوها  علي الباب حماية لانفسهم ليلا ويتناوبون علي فتح وغلق الباب "
#ياوزارة التنمية ياشؤون اجتماعية اين انتم وهؤلاء اليتيمات بهذا الاهمال اتقوا الله  يجيب على وزارة الشؤون الاجتماعيه تكوين لجنه والتحقيق ومحاسبة جمعية ام القرى الخيرية النسائية بمكة علي اهمالها لهؤلاء اليتيمات  الى متى  هذا الاهمال  
وتحدثت احدى المتضررات قائلة مانصه :
"من قبلها بااسبوع  قالوا في إخلاء وقولنالهم من بدري لن نخرج عشان عندنا اختبارات وبذات اننا انزنقنا من بعد الاوامر الملكية 
لمن رفضنا الخروج  قامت المديرة "س  ح  " بإطفاء  الأنوار علينا وجلسونا بدون كهرباء وقلنا لهم لو سمحتوا افتحوا الأنوار وهم يرفضون يقولوا مهندس ما مهندس بدليل الكذب حق البصمة والمكيف حق الاستقبال مفتوح ، و كل الموظفات موجودات في الاستقبال  سواء اخصائيات إدارة او حاضنات كلوا المهم ابله س  قالت لو سمحتوا الي تبغا تخرج عشان حنخرج وخرجوا كلهم الموظفات والحاضنات  وكانت ابله "أ" جالسة شوية ومشت ومافي ولا حاضنات ولا مراقبات  والكهرباء مطفية للساعه ١٠ في الليل واحنا نذاكر علي كشافات الجوالات وخرجنا بعد كده علشان ناكل ومافي ولا عاملات ولا موظفات نهائيا بالدار 
حتي السواقين مايرضوا يجيبوا شي يقولوا المديرة قالت لهم ماتروحوا ولا مكان ولا تتحركوا الا لو البنات حيروحوا الفندق وبطلوا  عناد غير كده ما تسوالهم ولا شي 
وفي من البنات كمان الأغلب راحوا عند وحدة موظفه ولا عند اختنا " م"  والا الحجاز وكل واحدة علي كيفها 
وهما يفكروا كده يضغطوا علينا وارسلنا نجيب اكل للغداء ولا العشاء 
والباب مكسور مافكروا كيف يخلونا بالوضع دا جبنا سلسلة وقفل وحطيناها علشان نقفل علي نفسنا واي وحدة من اخواتنا بمن ترجع من جامعتها  تتصل علي الموجودين في البيت وننزل نفتح الباب ومافي غير حارس واحد لو احد خبط الحارس ولا فكر يسرق المكان راح بسهوله يكسر الباب بس ربنا يحمينا علشان ضعفنا وقلة حيلتنا لو اولادهم ما يسوا فيهم كده ولا يرضوا عليهم الوضع دا نناشد  الملك سلمان ان يعيد لنا حقوقنا وكرامتنا  وكفى  ماحصل نريد  حقوقنا والعيش بسلام وحياه كريمة"

إرسال تعليق

جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم

 
الى الاعلى