يكتبها : مشوش
يامفرح احس بوجع برأسي تدري ليش من كثر ماطبيت بالمطبات الصناعية بوادي الدواسر والسليل وانا راجع للجنوب ياأخى وش المسئولين اللى يصدرون التعب ويتعاقدون مع مقاولين للطرق فاشلين تسببوا في تكسير سيارات عباد الله من كثر هالمطبات اللى مالها سنع تطب في مطب وتلقى المطب الثاني يامفرح نصيحة اذا انت بتروح على طريق الجنوب مرورا بتثليث والمضة ووادى الدواسر لازم تعمل حسابك على كم قرش عشان تصلح سيارتك من كثر المطبات يعنى فشل المسئولين بالبلديات والطرق وصل الى مساحات الطرق الرئيسيه ماعندهم ضمير ولا حس وطني وتركوا الحبل على الغارب لعمال طرق فشلوا في انشاء وترميم وتحسين طرق يعبرها الآلاف من البشر والله مهزله بجد، لو ان مسئول طب بسيارته من على مطب من هالمطبات واهتزت كرشته شوى كان يعرف ان الله حق وان الخطأ مرود عليه !
إرسال تعليق
جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم