0
 تاج حيدر - دمشق :
قالت هيئة الأمم المتحدة اليوم الثلاثاء أن عدد ضحايا القمع في سوريا وصل الى 7500 شهيدا وشهيده  فيما عقدت جلسة طارئة لبحث الأزمة بسوريا ، ومن جانبها قالت  الهيئة العامة للثورة السورية أنه أرتفعت  حصيلة ضحايا أمس الاثنين برصاص قوات الأمن إلى 138 شخصاً، معظمهم في حي بابا عمرو في حمص. وقالت في بيانها اليومي  اختفاء عائلات معظم الضحايا في بابا عمرو، وأن عدد الضحايا في بابا عمرو وحدها بلغ 96، خُطف 64 منهم وأعدموا، بينما توزع عدد من الضحايا على محافظات إدلب وحلب وريف دمشق والحسكة ، وبحسب موقع سوريا الحرة قال خلال عملية نزوح اهالي باباعمرو ليلا وخروجهم من الحي خوفا من الموت تحت الانقاض وعند وصولهم الى حاجز امني يفصل بين منطقة ابل والطريق الدولي تم ايقافهم من قبل الحاجز وتحميلهم في اربعة باصات بحجة ايصالهم الى مناطق امنة وبعد انطلاق الباصات تم انزال الشيوخ على الطريق وتم ذبح كل الشباب الموجودين داخل الباصات وعددهم 64، وتم خطف النساء واقتيادهم الى جهة مجهولة ووجدت جثث 47 من الشباب بين قرية الغجر والتنونة تحديدا بالقرب من المدجنة  ووصلت تقارير أمنية الى مكتب المحافظ وقائد الشرطة وجميع روئساء الافرع الامنية بهذه الحادثة وتم تسليم 47 جثة الى المشفى الوطني في مدينة حمص وتظهر عليها آثار الذبح وتم اليوم تسليم 14 جثة شاب من اهالي بابا عمرو المدنية من قبل حاجز مدرسة البعث التواجد عند جسر تل الشور او(جسر التحويلة) الى الهلال الاحمر الذي نقله بدوره الى المشفى الوطني في مدينة حمص

نساء سوريا لأسماء الأخرس :  "ابتعرفي شو هاد جامع خالد , صليتي معنا شي مرة بجامع عمر"  

 أسماء الأخرس

حصل موقع "زوايا" الإخباري على بيان موقع من نساء سوريا موجها الى أسماء الأخرس أوأسماء الأسد زوجة الرئيس بشار الأسد ويلاحظ انه باللهجة السورية العامية ليكون أكثر تأثيرا  جاء فيه: نحن نساء حمص نوجه رسالتنا لأسماء الأخرس ((المتبرى منها من قبل الحماصني )) عزيزتي أسماء الأخرس :
حضرتك لا جربتي ريحة المصفاي , لاجربيتي تاكلي عقابيي وفول بمرقة الجرابات , لاجربتي طوشكا ابونشح ولا اشتريتي من عند ابوفشخة , لا اشربتي كازوز امتلج ولا زلاش ولا لذيذة , لاجربتي برد المدارس ولاشفتي الأزن هوي عم يعبيلنا طابة الصوبية بلمازوت, لااتمشورتي بشا رع الغوطة ولا الحمرا ولا الملعب .
طيب سؤال ابتعرفي شو هاد جامع خالد , صليتي معنا شي مرة بجامع عمر , احييتي ليلة القدر مع اهل حمص كلها بجامع قباء , جربتي شويعني عيد وضرب الفتيش , العبتي شي يوم مع ولاد الحارة واقعتي على ركبك وانجرحت , او العبتي مطيطة او حيز 
طيب جربتي قطع الكهربا , جربتي ماايكون عندك رغيف خبز ولا متعودي علسمون ولا يمكن انتي نباتيي , جربتي تعملي الموني مع اهلك , جربتي لمة العيلي بلعيد وتاخدي عيدياتك من ستك وجدك .
طيب كمان شي مرة لفيتي السجاد مع امك . اطلعتي بلسرفيس ؟ جربتي شنططة الجامعات ؟ ابتعرفي شو هاي كراجات ؟
شوبدك اتجربي لتجربي ,
من شان هيك ياحلوة مارح اتحسي فينا نحن الحماصني .
طنط اسماء . احببتي ان تعيشي دور الليدي ديانا ولفت الأضاء لك , لكن لاتنسي كيف كانت نهاية الليدي ديانا .
جربتي تعملي مكدوس و تكبسيهم و تلتاش العيلة كلها بالفليفلة و الجوز ؟؟
شميتي ريحة النفتلين و جبتي لامك رزمة جرابات منتورة مشان تربط السجاد و تلبس السجاد كياس وتحطون عالحيط ورا الباب؟؟
جربت حبيبة القلب فنجان الشاي المنشح بالجامعة والكرواسان المقرمد هاهاهاهاها …
جربتي يا روحا صبحياتنا و حراق اصبعو الحمصي …لك رحتي عديك الجن شميتي ريحة العاصي ؟؟
لك خيطتي عند فريال وتسلطت بنتك على عرباية لعبة او على لعبة بيبي بيبكي ونحطلو مصاصة عند محل ألعاب تحت بيت الخياطة فريال..او وقعتي بقصعة مرقة المحشي وطلعتي كلك بندورة حمرا؟؟؟
تغظيتي بالحرام العسكري ولا مدياي عاللأرض جنب الصوبية لك رحتي عند ابو نادر تبع الكنادر عند جامع الدروبي…..
لك ركبتي مسكليت وركبتيلا زمور وصرعتي الحارة… لك تضربي و الله ما شفتي شي من هالدنيا ….جربتي شي تلمعي بوطك الفتوة قبل ما تطلعي من المدرسة او تشوفي حالك بالمراي الصغيري ،،؟؟؟
جربتي تاكلي ابووووع بوظة من عند الرينبو ؟ او بيتزا صغيري من عند المهباني او ابووووع كريمة وغزلي لما تطلعي من المدرسي بتعرفي شو هي تمشاية الدبلان و متعتها؟؟
يا بنت الحبابي جربتي اكلتي فلافل من عند ابو طارق او البتول ؟؟ لك لك جربتي جربتي تشربي سبريسو من سيارة اللي بطريق الخراب ؟؟لك يخرب بيتك ليش الصاج بزعتر ياااا لطيف ….
لك ما تتبروظي كتير بطقوماتك و تقلدي الإنكليز ..حتى انكلترا تخلت عنك وعن جوزك وقالتلك طز ونحنا منقلك كمان و بعيلتك و ببيت حماكي …نقطة دم حمصي واااحد من شبابنا الغالين بتسواكم كلكم

الداخلية السورية : 89،4% نسبة الموافقين على الدستور واعضاء بارزون في المجلس الوطني " ينشقون "







إرسال تعليق

جميع الردود تعبر عن رأي كاتبيها فقط ، وحرية النقد متاحة لجميع الأعضاء والقراء والقارئات الكرام بشرط ان لايكون الرد خارج نطاق الموضوع وأن يكون خال من العبارات البذيئة وتذكر قول الله تعالى " مايلفظ من قول الا لديه رقيب عتيد" صدق الله العظيم

 
الى الاعلى